================
1- نبو حصتنا من النفط ( يعني انك انت شريك في انتاج النفط ومستعد لتحمل الخسائر وكذلك، الأرباح ...فى الماضى جمعت تحت بند المجنب وسرقها ثواركم الاشاوس )
- المفروض الدولار 30 قرش ( الكل يعرف أن قيمة العملة مربوطة بالاقتصاد ونحن شعب يستهلك وينام ولا ينتج شيء )
2- نبو البنية التحتية ( نعرف أنها موجودة وتحتاج للصيانة والتوسعة وتحتاج لتنظيف العقول التي تعيش فوقها )
3- نبوها زي دبي ( دبي زي منطقة السواني في المساحة يعني تصب 300 مليار دينار في السواني تولي دبي...دبى تحكمها عائلة ومافيش حد قال بغ، بلادنا كانت تحتاج فقط إلى تكملة مشاريع بدأو بتنفيدها فعلا)
4- البدو كانو حاكمينا ( وتوا خلوا المدن المنتصرة حسب رأيكم وتركيا تحكمكم)
5- ليبيا فيها موارد تغنيك عن النفط ( يعني مازال تبو ترقدو والموارد تخدم عليكم )
6-الطاغية كان طامسنا (معناه جوائز نوبل واسكارات هوليود توه زى الرزعلى العلماء والخبراء الليبيين)
7- المهم الطاغية مات (الطاغية مات ..وانت زيط فيها توه ..دوش بالمالقى واقرأ على شمعة واشرب الميه المالحه وشد طابور المصرف فى الصبح وطابور الكوشة فى العشية وارقد بعد صلاة المغرب )
8-كان سمع الكلام وطلع هو وصغارة راهو ما صار اللى صار ( كان هذا راهو توه تسبوا فيه ..الجبان خانب ارزاقنا وقاتل اطفالنا وتطالبوا فى الجنايات الدولية بيش تجيبوه وتحاكموه كيفما درتوا لاولاده توة)
9-ليبيا ما كان فيها جيش كانت فيه كتائب النظام( اللى حاربوا الناتوا ثمانية شهور واللى يحاربوا فى الخوارج توه ها دوم من دربهم وكونهم والا نزلوا من السماء؟
10- هذا اصله تونسى ...هذا اصله مصرى ...هذا اصله تشادى( ترى ورونى الليبى الاصلى وين وشن شكله)
